Evolusie, reïnkarnasie en ander wolhaar stories.

Rosalind

Dankie Rooskind, ek hoor wat jy sê. Evolusie en die “ontwerper teorie” is inderdaad twee heeltemal verskillende dinge. Evolusie is die groot sussie van die Big Bang teorie wat sê; eers was daar niks, toe ‘n groot BOEM!!!! En voila, gee genoeg tyd en bietjie gravitasie krag en siedaar, jy het skoenlappers en seekoeie (en sterre en planete en sommer alles). Amper soos siemsalla-biem, kul jou hier kul jou daar en daar is alles. Geen ontwerper, geen Skepper. Alles het sommer vanself gebeur. Dit is wat die SLIM wetenskaplikes SO graag wil hê ons almal moet glo, al is daar ook wa-wiel groot gate in daardie teorie net waar jy kyk.

Aan die anderkant is ‘n nuwe idee wat al meer spoed optel. Dit is nou dat daar miskien tog intelligente ontwerp agter die ontstaan van alles is en dit is nou wat mooi in daardie video’s van Roer verduidelik word.

Waarin glo jy? siemsalla-biem of intelligente ontwerp? Persoonlik neig ek na die intelligente ontwerp kant toe. Ek het laas geglo aan siemsalla-biem toe ek in kleuterskool was.

Roer

Dis ‘n goeie een daardie van die professor wat wou weet “wie het dit gemaak?” Ek kan nie glo dat so baie hoog geleerdes so dom kan wees nie!

Hans Matthysen

Dankie vir jou gedagtes ou maat. Ek sou graag met jou wou redeneer (lob-stoei op die woordstoot) maar ons skree vir dieselfde span. Ek het maar net die vragie gevra om te kyk wat kom uit.

Gert Gariep

Dankie vir die mooi woorde. Dis omdat jy so eerlik en opreg skryf dat ons almal so lekker kuier daar by jou blog.

Net mooi…

g*tvol. Dis nou wat ek was vir daai donker hoekie van knersis se ou grot.

Ek hoop julle geniet die nuwe tema. Ek dink dit is die woord-stoot default .

So, wat dink julle van evolusie? Waar of wolhaar? Kyk die videos op die lienk hieronder. Daar is al meer WETENSKAPLIKE bewys vir ‘n ONTWERPER van die heelal.

“So everything did not jump into existence spontaneously, after all” soos die baie slim wetenskaplikes wil he ons moet glo nie.

Wat van evolusie?

Ek het sopas vandag afgekom op ‘n baie interessante link na ‘n you-tube video op Roerkie se blog. Dit gaan oor die evolusie teorie en oor nuwe denke daaroor. Dit is FANTASTIES! EK kon nie genoeg kry nie. Daar is sewe clips. Die link na die eerste een is;

http://www.youtube.com/watch?v=PsXOOLzV_wo

Rooskind, jy vra; “is die brein nie net elektrisiteit wat aaneen vuur nie? kyk maar na die resultaat van ‘n EEG.”

Ek dink dis jou veld daai. Kyk bietjie na die video clips. Dit is verbasend! Wat sê jy nou?

Intussen wag ek maar op nog ‘n paar menings oor ‘Wat is die belangrikste ding in die wêreld.’

DM reken ‘n mens moet jouself ook as belangrik ag. Goeie punt daai. Ek sal later daaroor ietsie pos. DGS herstel nog van sy skeer wonde en Sonkind kry te koud. Eisch!!!

Ek dink die belangrikste…

ding is natuurlik (volgens my beskeie mening) die antwoord op die vraag: “Wat word van jou siel wanneer jy sterf.”

Daar is baie dinge in die lewe wat belangrik is, natuurlik. Liefde en Vroulief en die kinders en om ‘n goeie mens te wees en so aan. Daar is ‘n lang lys van belangrike goed. Maar vir my is DIT die belangrikste.

Okay. Ek glo ook nie in reïnkarnasie nie. Maar…

Is my siel onsterflik? Daar is net twee moontlikhede, reg!? Ja of Nee!

Indien mens twyfel daaroor, dink so daaraan – jy het ‘n 50% kans om reg te wees. Soos om rooi of swart te speel op die roelet tafel; so wat is dit vir jou meneer, rooi of swart? Jy sit jou chip (jou siel) op die tafel neer en daar spin die wiel!

Sê nou maar ek raai nee dan kan ek mos myself geniet en alles doen wat ek wil, wat ek mag en wat ek nie mag nie, sodra ek net nie uitgevang word nie, reg? En aan die einde is daar geen vergelding nie, geen verantwoording nie! Dan is mens mos dom om nie voluit te gaan en alles in te prop in die kort tydjie tot jou beskikking nie.

Maar sê nou ek was verkeerd en o gonna! Dit draai uit dat my siel toe wel die hele tyd onsterflik was en gepaardgaande daarmee, alles wat staan in die Bybel was toe ook die waarheid! Wel, indien dit so is dan sal alles wat in daardie Boek staan omtrent die hel ook waar wees. Kyk ek is mal oor vuur en braaivleis en kaggels en kaggel vure en so meer, maar om vir ewig en ewig te braai en dit kom NOOIT klaar nie. Dit is ‘n gedagte wat mens mos sal slapelose nagte gee!

So wat dink jy, wat is dit rooi of swart…

Die Belangrikste ding/iets in die wêreld.

Vir meeste van ons is die liefde seker maar die belangrikste. Gert sê vir hom is dit Vroukie en die Wosonkies reken ook so, asook Da Mario seker maar. Hy het dit nog net nie so uitgedruk in woorde nie. (Hy druk nog vir eers (vry eers) gou op ander maniere. )

Sonkind raak aan die onderwerp van reïnkarnasie. Interessant! En dit sal lekker wees om te hoor wat julle daarvan dink. Glo jy in reïnkarnasie? Is dit nie maar afkomstig van ons vrees vir die verganklikheid nie.

Wat van onsterflikheid?

Hou jou gees aan met leef wanneer die liggaam sterf of nie? Wat is die gees? Wat is jou siel? Is daar ‘n verskil. Waar woon jou verstand? As jou liggaam sterf wat word van jou verstand?

Dis diep vrae, ernstige vrae ek weet. Maar ek wil graag daaroor praat. Dit sal lekker wees om almal se standpunte te weet. Ons gaan natuurlik van mekaar verskil. Dis goed so. Jy mag miskien niemand oortuig van jou standpunt nie, maar dis ook goed so. Dit is ook nie my gedagte om met jou te argumenteer nie. Vir jou te sê maar jy’s verkeerd nie. Ek sal dit ook nie doen nie. Wat wel lekker is, is wanneer mens ‘n nuwe idee kry om te ondersoek. Hoekom, waarom, hoe?

Lekker!

Laat weet maar!

Reïnkarnasie

Dankie vir jou antwoord <em>Sonkind.</em> Kom ons skop dan sommer af met die onderwerp wat jy aanroer –

Reïnkarnasie

Hierop het ek ‘n paar vragies;
Bestaan daar so iets?
Is dit belangrik?
Hoekom?
Watter voordeel hou dit vir my in?
Wat is die doel daarvan?
Is daar bewyse?
Hoekom bestaan daar so ‘n teorie?
Watter gelowe glo daaraan?

Wat dink julle?Wat dink jy?

Ek tag Gert Gariep, Da Mario, DGS, Johan Swarts, Jaco en Krista, NetJane, Rosalind, Pikkelik, Boer in Ballingskap en Roer om elk te noem wat is in jou mening die belangrikste ding in die hele wêreld en om elkeen vyf ander te tag om dieselfde te doen.

Ek is lus om…

te gesels oor diep dinge. Soos waar kom ons vandaan? Hoekom is ons hier? Waar gaan ons heen as ons doodgaan? Hoekom is die lading van ‘n elektron juis 1.602176462.10-19 C?

Is die aarde net 6000 jaar oud of 13.5 miljard jaar?

Wat dink julle van evolusie?

Is ek bedruk, bemoerd of beide of net nuuskierig?

Miskien gaan dit te goed met my. Ek kla nie, ek is baie dankbaar. Ek smag net om te gesels oor goed wat regtig saak maak, wat belangrik is!

OK, ek tag julle almal!

Wat is die HEEL BELANGRIKSTE iets/ding/vraag/onderwerp (kies een) in die LEWE?

See, son en sand.

Mauritius …

Wel, ek het belowe om meer te vertel en, ag shame, dit was nou nie my bedoeling om julle jaloers te maak nie. Maar sjoe, dit was lekker.

Gister aand eers by die huis gekom. Kon nie wag om ‘n vuurtjie aan die gang te kry en gou ‘n boerie te braai nie. Bliksem, maar dit voel goed om weer tuis te wees! Die internet konneksie daardie kant is vrek stadig en moer duur, so vandag wil ek net rustig wees en opvang met my vrinne op die blogosfeer.

Maar gou so ietsie van ons trippie. Ek en Liefie is hierdie jaar drie jaar getroud. Ons besluit toe, aangesien ons nooit ‘n behoorlike honeymoon gehad het nie en omdat ons beide hierdie maand verjaar, om die twee te kombineer. Laat honeymoon en twee verjaarsdae met een slag gevier!

Vir ‘n week lank het die tyd stilgestaan in ‘n oordosis van son,sand, seil, see en skemerkelkies. Die oos-kus is bekend vir sy konstante mooiweer en daar was heelwat aktiwiteite om jou besig te hou. Jy kon seil op sulke twee-man bootjies, fietsry met lekker mountain bikes, snorkel, hike, parasail, duik, diep-see visvang, op verskeie toere gaan, of lekkerste van alles, net onder een van daardie ronde dakkies lê en niks doen nie.

Een dag was ons Port Louis toe, die hoofstad, aan die ander kant van die eiland. Dis ‘n tipiese hawe stad en laat jou bietjie aan Kaapstad dink, maar alles net op kleiner skaal en sonder ‘die berg.’ Die mark was maar bra bedompig en bedruk. Jy kan alles daar koop, van aartappels tot onderbroeke. Alles ruik soos grond, groente en kerrie-poep.

Hmmn… Gert was ook hier…

O ja, en ek het my bes gedoen om te kyk vir ‘n cherry vir DM en DGS maar daar was net ou tannies, jong kinders en vet oompies wie se pense uitpeul en tril soos walrusse. Sorry manne!

Hierdie Mauritiërs is darem ‘n dêm snaakse lot. Hulle gaan mos gebuk onder ‘n groot Franse invloed, so almal praat Frans hierso. Ek kan dit nou nog nie uitwerk nie, maar hulle wil net die hele tyd hoor of jy wil pie; ‘Wee monsieur, wee, wee?’

Ja-nee, alle goeie dinge moet ook seker maar op ‘n einde kom. Maar, hene. Was daai boerie toe lekker!? Swaarie, wat die plek op gepas het, het darem vir my so paar black labels gelos ook. Wonderlik! Daai Phoenix bier van hulle proe soos gegeurde sodawater, jig! Nee terug in die as-kan met jou Phoenix. Bly sommer daar! Moenie weer opstaan nie!

‘n Geskenkie!

Een oggend vroeg opgestaan om die een te vang,

Spesiaal vir jou.

Dit maak mooi wallpaper vir jou desktop.

Knersis en Liefie is in….

Mauritius …

Vir ‘n hele week!

“Eat your heart out!”

Sal later meer vertel.

Braaiwet

Ja-nee, ek sê vir julle, dis genoeg om van te stik in jou braai-worsie, om van te hoes aan daardie braai-vleis vuurtjie, kort-om, om sommer van jou stoel af te donner.
Magtag!
Het jy nou al ooit van sulke snert in jou lewe gehoor? Ek wonder wat ou Gert Gariep hiervan sal sê; hy is nou mos juis so lief vir sy ou braai-vleisie. Ek meen te sê, wie van ons is dan nie?

Wat gaan die regering volgende uitdink om ons sakke mee te skud?

Die Bier Wet miskien?

Lees maar self….

kliek op die prentjie om dit te vergroot